Го потпишаа Преспанскиот договор без да го прашаат народот. Го потпишаа Договорот за добрососедство со Бугарија не го прашаа народот. Го прифатија Францускиот предлог и се обврзаа на нови отстапки и повторно не го прашаа народот. Сега на Венко Филипче и на СДСМ им текна да бараат рефендум, народот да кажел дали треба да се откажеме од идентитетот за да влеземе во ЕУ.
Не може Христијан Мицкоски да одлучува за нашите судбини. Едноставно, доста е. Мора граѓаните да одлучат за тоа. Затоа што граѓаните, нивните семејства, нивните деца, ќе ја плаќаат цената на овие погрешни политики на Мицкоски. Затоа граѓаните се единствени кои можат да одлучат за својата судбина. Не сакаме сите да ја плаќаме оваа цена. Распишете референдум, прашајте ги граѓаните. Не може вие да одлучувате за судбината на сите кои живеат во државата”, вели Венко Филипче, претседател на СДСМ.
Инаку по потпишувањето на Преспанскиот договор владата на СДСМ и ДУИ по притисок на граѓаните мораше да распише рефендум. Но, и по покрај тоа што рефендумот пропадна со што граѓаните јасно ставија до знаење дека се против, Владата на СДСМ и ДУИ го сменија името, преку невиден притисок на Собранието.
ВМРО ДПМНЕ,пак уверуваат дека Бугарија има пошироки барања од уставните измени. Потсети ја на скандалозните изјави на Радев поврзани со македонската историја. Румен Радев досега има изјавено дека Гоце Делчев, Јане Сандански, и основоположниците на словенската писменост Кирил и Методиј, се Бугари. Од ВМРО велат дека Филипче никогаш јавно не ги осудил изјавите на Радев кои директно задираат во македонскиот идентитет и историја.
Румен Радев вели дека македонскиот јазик постои од 1945 година, Филипче не осудува. Румен Радев вели дека македонскиот идентитет постои од 1945 година, Филипче не осудува. Радев вели дека пред 1945 година сме биле Бугари, Филипче не осудува. Македонската историја надалеку позната и прочуена како бугарска, Румен Радев ја претставува како бугарска, а Филипче не осудува. Зошто ова што го говориме е многу важно? Затоа што вие имате право да знаете какви отстапки би следеле понатаму доколку СДС и Филипче повторно добијат можност да одлучуваат за државните позиции, вели Валентин Манасиевски, портопарол на ВМРО ДПМНЕ.
Главна потлитичка тема деновиве се препукувањата меѓу власта на темата за македонските евроинтеграции и бугарското прашање. По седум неуспешни избори, овој месец Румен Радев успеа да формира влада. Инаку, тој важи за архитект на бугарскот вето и на барањето Македонија да го смени Уставот, ставајќи ги Бугарите во него.
