Со онлајн водичот за квалификации на учениците од девето одделение од оваа година ќе им биде олеснет изборот на струка за уписите во средно образование. Водичот ќе им овозможи на учениците и нивните родители да добијат повеќе информации за струката во која ќе сакаат да се едуцираат, за да донесат информирана и правилна одлука вели министерката за образование Весна Јаневска. Покрај информациите за струката ќе можат и да видат која од нив има поголема можност за вработување после средното образование.
За прв пат сите информации застручно образование се централизирани на едно место и систематизирани на начин што овозможува лесно пребарување по сектори и квалификации, региони училишта и нивоа што е од исклучителна важност за иднината на учениците, ијзави Министерката за образование Весна Јаневска.
Конкурсот за уписи во средно за 2026-2027 година нуди 25 илјади слободни места од кои 17 илјади се во стручните а речиси 7 илјади во дуалните паралелки во кои се изведува и практична настава од над 1000 компании. Онлајн водичот за упис во средно училиште е изработен со поддршка на Швајцарската амбасада.
