Ништо од надежите за смирување на тензиите на Блискиот Исток. Иранците нападнале бродови, а Американците повторно стрелале врз ирански пристаништа.
Официјален Техеран соопшти дека биле активирани системите за противвоздушна одбрана во западниот дел на Техеран, а иранската воздушна одбрана дејствувала против непријателски цели. Сè уште нема официјални информации кои биле целите, ниту, пак, кои биле напаѓачите.
Американската војска, пак, соопшти дека пресретнала ирански напади врз три брода во Ормутскиот Теснец и „ги таргетирала иранските воени објекти одговорни за напад врз американските сили“, истакнувајќи ја кревкоста на едномесечниот прекин на огнот меѓу двете земји.
Претседателот на САД, Доналд Трамп, изјави дека прекинот на огнот се одржува и покрај насилството. Трамп кажа и дека Иран сака да го потпише договорот многу повеќе од САД, бидејќи, според него, ако не го потпишат, Иран ќе има многу големи проблеми.
