Значаен исчекор во насока на унапредување на правата и положбата на вработените, како и зајакнување на институционалниот интегритет, беше направен денеска во Центарот за управување со кризи. Директорот Мухамед Али потпиша колективен договор со синдикалните организации, со што вработените се поставуваат во центарот на вниманието како клучен столб на функционирањето на институцијата – соопштија попладнево од ЦУК.
– Со овој договор се овозможува поконзистентно и поправедно вреднување на трудот, како и унапредување на професионалното достоинство и мотивација на вработените. Седум проценти зголемување на платите со мартовската плата во 2026 година, 7 проценти зголемување на платите со мартовската плата во 2027 година, 7 проценти зголемување на платите со мартовската плата во 2028 година – пишува во соопштението.
Се истакнува дека договорот е резултат на конструктивен социјален дијалог и институционална координација потврдувајќи дека преку партнерски пристап се постигнуваат одржливи и правични решенија.
– Овој чекор претставува значаен придонес кон градење посилен и поефикасен институционален систем во служба на граѓаните – потенцираа од ЦУК.
