Министерството за внатрешни работи информира дека во текот на изминатото деноноќие на целата територија на државата, полициските службеници лишиле од слобода 12 возачи за безобѕирно управување возило, од кои десет управувале возило без возачка дозвола и двајца управувале возило под дејство на алкохол.
Без водачка, како што информира МВР, во Скопје возеле двајца, по еден во Штип и во Кичево, двајца во Велес и четворица во Тетово, од кои двајца малолетници. Еден возач во Велес управувал возило под дејство на алкохол и предизвикал сообраќајна незгода, а под дејство на алкохол возел и еден возач во Битола. По целосно документирање на случаите ќе бидат поднесени соодветни кривични пријави.
Од МВР апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.
