Екипажот на мисијата „Артемис 2“ се подготвува за враќање на Земјата

НАСА ги објави најновите детали за утрешното слетување на „Артемис II“ во Тихиот Океан, откако екипажот на 6 април направи прелет околу Месечината и постави рекорд за најголемо оддалечување на луѓе од Земјата. Екипажот се очекува да слета кај брегот на Сан Диего, по што ќе следи спасувачка операција – нуркачите ќе ја обезбедат капсулата „Орион“, а астронаутите ќе бидат пренесени на брод и медицински прегледани во рок од два часа. По десетдневната мисија, екипажот се враќа со, како што велат, незамисливи впечатоци, во прва ваква мисија на НАСА по 1972 година.