Универзитетската клиника за радиотерапија и онкологија и Фондот за здравствено осигурување (ФЗО) денеска ќе ги презентираат резултатите, вложувањата и современите пристапи во третманот на онколошките пациенти.
Презентацијата ќе ја одржат директорот на Клиниката, проф. д-р Игор Стојковски и генералниот директор на ФЗО, Сашо Клековски.
Од Фондот и од Клиниката информираат дека ќе бидат презентирани резултати и анализи кои опфаќаат преглед на инциденцата, преваленцата, вложувањата и постигнатите резултати во третманот на рак на дојка, белодробен карцином и меланом, финансиските аспекти кои се однесуваат на преглед на финансирањето на Универзитетската клиника за радиотерапија и онкологија за 2026 година и воведувањето нови методи кои опфаќаат примена на стереотакса – современа, високо прецизна техника за третман на специфични мозочни лезии.
