На еднодневната конференција на Јахорина, на која присуствуваа директори и менаџери од сите компании, Нелт Група ги претстави резултатите остварени во текот на првата година од имплементацијата на стратегијата „Ascend 2030“, при што дополнително го зајакна своето портфолио, ги прошири регионалните партнерства и реализираше клучни инвестиции во логистичката инфраструктура, се вели во соопштението од Нелт Група.
Од усвојувањето на стратегијата, Нелт Група го зајакна своето портфолио и пазарната позиција преку регионална соработка со партнери и со нови принципали: Chips Way и Waltz (Чипс Веј и Волц ) во Босна и Херцеговина, JTI и Alka Group (Elephant Brand) во Албанија, Bambi во Северна Македонија, Mondelez, Nestle, Colgate, Beiersdorf, Perfetti во Африка, Revlon, Vitamin Horgoš и Jaffa во Србија, додека со компанијата Coca-Cola HBC на српскиот пазар беше проширена логистичката соработка. Логистичките услуги и во други домени, како и фармацевтското работење, исто така бележат раст на обемот и проширување на партнерствата.
Марко Цилиќ, извршен финансиćски директор и в.д. генерален директор, изјави дека Нелт Група и во наредниот период останува посветена на својата визија и мисија да креира ефикасен и одржлив екосистем кој ги поврзува луѓето и брендовите преку извонредност во дистрибуцијата, сигурност во логистиката и експертиза во управувањето со брендови.
-Влегуваме во следната фаза од имплементацијата на стратегијата со јасен фокус на дисциплина во работењето, развој на инфраструктурата и силни партнерства. Продолжуваме со нашиот раст кон одржлив и забрзан развој, истовремено инвестирајќи во луѓето, организацијата и развојот на сопствените брендови, додаде Цилиќ.
Во сложениот регионален и глобален геополитички контекст, Нелт продолжи со реализација на клучните стратешки иницијативи. Во таа насока, инвестирани се повеќе од 15 милиони евра во развој на логистичката инфраструктура, вклучувајќи нов дистрибутивен центар во Тирана и проширување на капацитетите во Бијељина, додека фармацевтскиот бизнис дополнително се позиционира како еден од клучните столбови на раст во регионот.
Брендовите на компаниите Neoplanta, Baby Food Factory, Chips Way и Candy Factory Angola се препознаени како лидери во своите категории и продолжуваат да инвестираат во иновации, унапредување на производството и глобално позиционирање.
„Во текот на 33 години постоење, Нелт Група израсна во лидер во дистрибуцијата, логистиката и производството на сопствени брендови. Нашиот раст се базира на континуирано инвестирање во луѓето, иновациите и прилагодувањето кон пазарите. Имаме здрави темели за долгорочен одржлив успех“, изјави Небојша Шапоњиќ, основач и косопственик на Нелт, додавајќи дека целите на „Ascend 2030“ остануваат забрзан раст на приходите на повеќе од 2 милијарди евра преку инвестиции, аквизиции, нови партнерства и иновации на брендови.
Нелт Група во наредниот период ќе биде фокусирана на забрзана дигитализација на работењето преку имплементација на SAP S/4HANA, стандардизација на процесите, ESG проекти, логистичка интеграција на регионалните пазари и инвестиции во инфраструктурата, работењето во Африка, како и развојот на своите луѓе.
