Ортопедската клиника “Мајчин дом” доби нов современ ултразвучен дензитометар апарат кој ќе помогне во рано откривање и следење на остеопорозата.Уредот е брз и безболен и без зрачење кој ќе мери густината на коските кај пациентите.
Лекарите објаснуваат дека остеопорозата често се развива „тивко“, без симптоми, се додека не дојде до скршеница.Термините за снимање се веќе отворени.
“Овој нов апар сега ни отвора врати, покрај тоа што ќе го намалиме бројот на скршеници ќе може да направиме поголема заштеда и за здравствениот систем.Се надевам дека со Министерството ќе направиме и еден регистар на овие паицнети со остеопороза. Јас верувам дека ќе има огромен број на пациенти кои чекаат за снимање” вели д-р Марта Фотева, ортопед.
Во Македонија има 13 вакви апарати од кои пет се во Скопје. Останатите се во другите градови.Според доктор Мерџановски, со раната дијагностика ќе се намалат листите на чекање за оперативни зафати.
“Покрај тоа што Клиниката за ТОАРИЛУЦ лекува пациенти оперативно веќе влеговме и во нова фаза со превенција каде што ќе направиме една нова патека каде што сите овие пациенти нема да дозволиме да дојдат на операција” изјави д-р Мерџановски, директор на Клиниката за ТОАРИЛУЦ.
Остеопорозата е растечки глобален здравствен проблем во светот, а скршеници од оваа болест се многу чести и се јавуваат кај една од три жени и еден од пет мажи на возраст над 50 години. Во Македонија се проценува дека има околу 80.000 пациенти со остеопороза, претежно жени.
