Иран ја потврди веста за убиството на шефот на државната безбедност, Али Лариџани и тргна во одмазда. Следуваа серија напади кон Израел и земјите од Блискиот исток. Во Тел Авив повредени се околу 200 лица, а со дронови нападната е американска амбасада во Ирак. Според Иранскиот шеф на дипломатијата Абас Арагчи убиството нема да ја дестабилзира земјата.
„Политичкиот систем на Иран не се потпира на поединци и структурата на Исламската Република е солидна, со политички, економски и социјални институции кои функционираат без оглед на отсуството на поединечни лидери. Присуството или отсуството на едно лице не влијае на оваа структуразведе серија одмаздувачки удари изјави Абас Арагчи министер за надворешни работи на Иран.
Израел продолжи со напади кон Иран и трупите на Хезболах во Либан, а според тамошните извори убиен е уште еден висок функционер – министерот за разузнавање Есмаил Хатиб. Во Бејрут повеќекатна зграда во централниот дел е целосно урната во израелски воздушен атак.
Во нападот загинале најмалку 20 лица, а 30 се тешко ранети.
САД ги нападна иранските ракетни позиции во близина на Ормутскиот теснец, а Трамп упати критики кон НАТО.
„И покрај фактот дека им помогнавме толку многу, тие не сакаат да ни помогнат. Мислам дека НАТО прави многу глупава грешка. Знаете, се прашувам дали НАТО некогаш ќе биде таму за нас. Ова беше одличен тест, не ни требаат, но требаше да бидат таму“, изјави Доналд Трамп претседател на САД.
Во меѓувреме Иран уапси повеќе од 500 лица осомничени за шпионажа и соопшти дека е подготвен да се бори сè додека не биде сигурен дека непријателските акции како сегашната нема да се повторат.
Мартин Трајчевски
