Грант од околу 600 илјади евра за опрема, беше презентиран денеска во средното електро и машинско училиште во Кавадарци.
– Средното општинско училиште „Киро Спанџов – Брко“ доби опрема преку Регионален фонд за предизвици, во вредност од 595.000 евра, финансирано од германската КФВ банка. Се работи за најсовремена опрема од 4 генерација за реализирање на лабораториски вежби и практична настава. Оваа инвестиција претставува значаен чекор кон модернизација на образовната инфраструктура и создавање подобри услови, но и поголема мотивација кај учениците за активно учество во наставниот процес, појасни градоначалникот Митко Јанчев.
Тој подвлече дека, исто така, во завршна фаза е и реконструкцијата на надворешните спортски игралишта.
