Ферибот со повеќе од 350 патници и членови на екипажот потона по полноќ во јужните Филипини. Спасувачките екипи досега извлекоа најмалку 215 лица, а пронајдени се телата на седум загинати, јави ABC.
Според крајбрежната стража, фериботот „Триша Керстин 3“, кој пловел од Замбоанга кон островот Џоло, наишол на технички проблеми пред да потоне. Операциите за пребарување и спасување продолжуваат во близина на провинцијата Басилан со учество на крајбрежната стража, морнарицата и локални рибарски бродови.
Поморските несреќи се чести во Филипините поради лоши временски услови, преоптоварени и слабо одржувани пловни објекти и недоволна примена на безбедносните прописи.
