Француската актерка Брижит Бардо почина на 91-годишна возраст. Таа беше една од најголемите икони на европскиот филм и меѓународен секс симбол во 50-тите и 60-тите години од минатиот век. Светската слава ја стана со филмот „И Бог ја создаде жената“ од 1956-та година, по што настапи во низа култни француски и холивудски остварувања.
Во 1973-та година, на 39-годишна возраст, Бардо се повлече од филмот и се посвети на активизам за заштита на животните, основајќи ја фондацијата „Брижит Бардо“.
Во подоцнежните години, нејзината кариера беше засенета од контроверзии поради поддршката на крајната десница во Франција и низа пресуди за говор на омраза.
