Американскиот амбасадор во НАТО, Метју Витакер, изјави дека во преговорите за Украина моментално се разгледуваат четири документи, наведувајќи дека Вашингтон се обидува да утврди какви максимални отстапки е подготвена да направи Русија за да се стави крај на војната.
Витакер, во интервју за „Фокс њуз“, изјави дека страните сега се поблиску до мирот отколку кога било порано, но дека, како што рече, „топката е во дворот на Русија“.
Москва вчера побара значајни измени на нацрт-мировниот план од 20 точки, договорен меѓу Украина и САД, тврдејќи дека сегашниот предлог не ги штити клучните руски интереси.
