По само еден ден од старо-новото раководство на Заев, изгласано од Филипче, летаат оставки од општински организации на СДСM и бараат оставки од Филипче, вели Валентин Манасиевски, член на ЦК на ВМРО-ДПМНЕ, во изјава за медиумите.
По толку помпезното најавување од страна на Филипче за реформи во СДСM, тој го тргна Зоран и го стави Заев на неговото место. Наместо свеж, чист и нов кадар, тој ги врати старите истрошени кадри од времето на Заев и Ковачевски.
Филип Андов, Јон Фрчковски, Јованка Тренчевска, Андреј Жерновски, Љупчо Фармаковски, Александар Наумоски се таканаречените нови лица на СДСM. Луѓе полни со скандали, со лошо минато, луѓе без кредибилитет, луѓе кои не испорачаа кога им беше побарано од граѓаните. Некомпетентни и неквалитетни кадри.
А дека бродот во СДСM тоне, доказ за тоа се неколку оставки од општински организации од Ѓорче, до Битола и Крива Паланка. Оставки од Филипче се бараат на секој чекор, а тој гордо ги продолжува да ги исполнува задачите кои му ги дава Зоран Заев.
Реформите во СДСM ќе дојдат само со формална оставка на Филипче и претседателот во сенка Зоран Заев.
