Куќен притвор и 24-часовен надзор за Љупчо Пецовски – Ѓаволот, кој беше во бегство како осомничен во случајот „Синџир“. Судот донел ваква одлука откако Пецов самиот се пријавил и поднел документи за влошена здравствена состојба, па поради тоа добил поблага мерка од претходната, која му беше изречена додека беше недостапен за органите.
Пецов се пријави откако надлежните го уапсија за мито неговиот адвокат, поранешниот државен правобранител Фехми Стафа, кој бил фатен во обид за мито од 100.000 евра, кои ги барал за поткуп на судија од Апелација, со цел да ја преиначи одлуката за куќен наместо ефективен затворски притвор.
Судот го прифатил барањето на обвинителот, со оглед на тоа што истиот доброволно се пријавил на органите на прогон и од неговата одбрана е доставена медицинска документација, според која има влошена здравствена состојба. Воедно, надлежниот јавен обвинител, покрај здравствената состојба, ценел и дека со спроведување на обвинетиот во притворското одделение не може да се гарантира неговата лична безбедност.
