Амбасадорот на Казахстан најавува бизнис форум во Скопје

Економијата претставува клучен мост за соработка меѓу Македонија и Казахстан, изјави амбасадорот на оваа земја во Македонија, Сатибалди Буршаков, при денешната посета на Универзитетот „Гоце Делчев“. На студентите на Правниот факултет тој им одржа предавање посветено на геополитичката улога на Казахстан во Европа. Амбасадорот Буршаков најави дека во наредниот период ќе се работи на организирање економски–бизнис форум во Скопје, како и продлабочување на академската соработка меѓу универзитетите од двете држави.