Во рамки на дводневниот Форум за Интердискурзивен дијалог „Philosophia Christiana“, проект на фондацијата „Свети Фотиј Велики“ – Скопје, денеска во библиотеката „Браќа Миладиновци“ во Скопје со почеток од 19 часот, ќе биде одржана дискусија насловена „Homo Religiosus: За човекот како религиозно битие“.
Во неа, како што наведува организаторот, фокусот ќе биде ставен на значењата и интерпретациите на концептот за религиозноста во европската култура. Во дискусијата ќе учествуваат Сотирис Митралексис од Лондонскиот универзитетски колеџ (UCL) и Институтот за православни христијански студии во Кембриџ (IOCS) и Александар Таковски од AAB Колеџот во Приштина.
Вчера, на првиот ден од форумото, беше одржана дискусија на тема „Homo Veritatis: За вистината во јавниот дискурс“, на која говореа Дионисиос Склирис, професор по философија на Богословскиот факултет во Атина и новинар во неделникот Το Вима, и Ненад Марковиќ, професор по политички науки и еден од основачите на Институтот за демократија „Социетас Цивилис“.
Настаните се со слободен влез и отворени за пошироката публика.
Форумот за Интердискурзивен дијалог „Philosophia Christiana“ дејствува како дијалошка платформа, која се состои од дискусии на различни философски, теолошки, социјални, етички и културолошки теми. ац/са/
