Преку спојување на искуството и младоста до поперспективно општество. Владата најави низа мерки за развој на сениорското волонтерство и поддршка на младите, со цел да се овозможи пренос на знаење и градење на меѓугенерациска солидарност. Скопје беше домаќин на првата регионална конференција за волонтирање. Во Македонија тоа е послабо застапено во споредба со регионот каде го има во повеќе индустриски гранки, од месната индустрија, па се до ИТ секторот. Спортското волонтерство е еден од најразвиените во Македонија. Трагедијата во Кочани ја покажа важноста и придонесот што посветените граѓани можат да го имаат во кризни ситуации.
„Нашата идеја е да помогнеме во македонското општество и ќе ги искористиме ресурсите на луѓето кои се искусни“, изјави Нада Рочевска, претседател на Асоцијацијата за спорт и волонтерство.
Според извршниот директор на Конфедерацијата на европските услуги на сениорски експерти, на овој начин се промовира активно стареење, односно се одржува и менталното и физичкото здравје.
Исмаел Паез Цивико, извршен директор на CESES:
„Причината зошто го организираме тука во Скопје за ова да ни биде почетна точка, да ја прошириме приказната за волонтерството во целиот Западен Балкан“, изјави Исмаел Паез Цивико.
Министерот за економија, Бесар Дурмиши, најави реформа на Законот за волонтерство по примерот на европските закони. Конференцијата организира во рамки на прогласувањето на 2026 година како Меѓународна година на волонтерите за одржлив развој од страна на ОН.
