Градоначалничката Соња Стаменкова денеска го назначи Мартин Малчев, член на Советот на Општина Македонска Каменица, за заменик-градоначалник.
Според законските прописи, Малчев ќе ја извршува функцијата градоначалник во случаи кога градоначалничката е спречена или отсутна подолго од шест месеци, како и во други ситуации утврдени со закон. Со стапувањето на должноста, неговиот мандат како советник ќе мирува.
Стаменкова истакна дека Општината продолжува да ги развива условите за инклузивно, современо и демократско општество во кое стручноста, професионалноста и компетентноста се основа за вршење јавна функција.
– Од заменик-градоначалникот очекувам максимална посветеност, одговорност и работа во интерес на граѓаните на Македонска Каменица, напиша таа во својата објава на фејсбук.
