Тензии и апсења во Подгорица

Во Подгорица, синоќа биле приведени 45 лица – државјани на Турција и Азербејџан, во големата полициска акција што уследи по инцидентот во населбата Забјело. Жител на Подгорица синоќа бил претепан и избоден од група Турци, што предизвикало револт кај локалните жители, кои се собрале и се обиделе да линчуваат тројца од напаѓачите. Полицијата морала да интервенира за да ја растера толпата, а владата најави дека по итна постапка ќе го укине безвизниот режим за турските граѓани. Полицијата привела двајца турски државјани, а еден од нив е осомничен дека е вмешан во нападот.