Олимпискиот медал направи Бутел да биде најпозната општина во Македонија. Спортот прави чуда и создава историја, изјави Дарко Костовски, кандидат за нов мандат за градоначалник на Бутел, се наведува во соопштението на ВМРО-ДПМНЕ.
Во Бутел направивме спортска револуција, изградивме 5 спортско-рекреативни центри, направивме 13 спортски терени, 12 игралишта за деца, реконструиравме 2 училишни сали, директно помагаме на спортските клубови.
Доделуваме над 200 стипендии за најдобрите спортисти од општината.
Спортот раѓа здрава младина и дисциплина.
Дисциплината создава подобро општество.
Спортот ќе продолжи да биде еден од моите врвни приоритети.
