Петнаесет пожарникари со четири противпожарни возила се справуваат со пожарот кој избувна зад некогашните оранжерии во Прилеп. Гори сува трева и ѓубриште од бројните диви депонии на површина од околу 4–5 хектари, информираат од прилепската противпожарна единица. Околу пладне пожарот е ставен под контрола, но не и целосно изгаснат. За среќа, нема опасност за околните куќи. Најверојатно причина е човечкото невнимание или, пак, нечија свесна намера да предизвика пожар.
Освен овде, во прилепско останува активен пожарот во Мариовско, во атарот на с. Бешиште, каде веќе дваесетина дена гори ниска деградирана шума во крајно непристапен терен и на кој има и бројни неексплодирани бомби, поради што и гаснењето е речиси невозможно.
