Четворица пратеници од Европскиот фронт ќе му се приклучат на парламентарното мнозинство. Ова го најави првиот вицепремиер Изет Меџти во интервјуто за Алсат
ВЛЕН нема да остане со 9 пратеници, ниту Европскиот фронт со оние што ги има. Движењата започнаа и мислам дека во наредните денови, особено следната недела, ќе се види дека ситуацијата не е таква. Разговорите не се завршени, се наоѓаат во завршна фаза, но потврдувам дека има таков број што веќе го напуштија Фронтот и го поддржуваат мнозинството. Дали се четворица? Да. Дали се сите Албанци или има и други етнички заедници? Од Европскиот фронт“, рече Изет Мехти, прв вицепремиер.
Меџти потврди дека сите ресори што ги водеше Таравари ќе останат на ВЛЕН.
„Она што е власт и што му припаѓа на ВЛЕН, останува на ВЛЕН. Сега кој ќе биде дел од ВЛЕН во иднина – поединци, други субјекти – тоа е прашање кое го дискутираме и дебатираме, но со оваа власт управува ВЛЕН. Дури и ако бројот на пратеници остане 9, нема да се допре ниту едно министерство? Да. Дали министерството за здравство? Не. Сè додека не одлучиме за други околности за размена на ресори, но засега оваа тема е затворена“, додаде Изет Меџти, прв вицепремиер.
Според Меџити, мнозинството од партијата не се согласува со заминувањето на Таравари од Владата. За Арбен Фетаи, кој сè уште не одлучил дали ќе остане во Владата, Меџити рече дека е во комуникација со него.
„Мислам дека во овој период добро работеше како вицепремиер за добро владеење. Заедно придонесовме во важни прашања, етнички, и мислам дека е потребен на владата. Дали имате комуникација со него? Да. И ако остане, како ќе остане? Се надевам дека ќе остане. Мислам повеќето, да не речам 70% или повеќе, не се согласуваат да се вратат таму од каде што си заминаа само пред неколку месеци“, нагласи Изет Меџити, прв вицепремиер.
На локалните избори, Меџити најави дека покрај партиските, ќе поддржат и независни кандидати.
„Она што ќе биде добра вест за овие избори е дека ВЛЕН ќе излезе од партиските бои, ќе излезе и надвор од ВЛЕН. Ако кандидатурите се подобри во некоја општина, ќе ги поддржиме независните кандидатури во големите урбани општини. На пример, каде? Само зборуваме за некои урбани општини, а една од нив ќе биде и Гостивар“, рече Изет Мехти, прв вицепремиер./Алсат.мк
