Откако вицепремиерот и министер за транспорт Александар Николоски кажа дека е очигледно оти Софија не сака да ја изгради пругата до границата од бугарска страна, неговиот бугарски колега Гроздан Караџов се најде погоден. Па ги нарече ваквите изјави „македонски приказни за добра ноќ“.
Николоски претходно рече дека бугарската страна ги игнорира македонските барања за средба за договор за изградба на пругата и оти ги известиле европските институции за информациите дека софија одлучила да не ја реконструира пругата од софија до перник.
Караџов одговори во интервју за бугарската телевизија БНТ.
„Тоа се некакви македонски приказни за добра ноќ, затоа што додека николоски ги зборува тие работи, тој воз поминал низ перник, поминал и низ Радомир, стигнал до Ќустендил и од таму запрел на последната станица во Ѓуешево да чека да дојде и македонскиот воз“, изјави Караџов.
Според него, додека македонија да направи пруга до границата, Бугарија веќе ќе има направено брза пруга по која возовите ќе може да се движат по 160 километри на час.
