Научниците кои работат со вселенскиот телескоп „Џејмс Веб“ велат дека го откриле досега најсилниот доказ за постоење на живот надвор од нашиот Сончев систем. Тимот на Универзитетот Кембриџ, кој ја проучува атмосферта на далечна планета наречена К2-18б, открил знаци на молекули кои на Земјата ги произведуваат само едноставни организми.
Ова е вторпат хемикалии поврзани со живот да се пронајдени во атмосферта на оваа планета, која е два и пол пати поголема од Земјата, но е оддалечена седумстотини трилиони километри од нас.
Сепак, потребни се уште податоци за да се потврдат овие наоди. Тимот научници се надева дека наскоро ќе добие цврсти докази.
„Ова е најсилниот доказ досега дека веројатно постои живот таму. Мислам дека ќе можеме да го потврдиме тоа во рок од една до две години“, изјави водачот на истражувањето, Нику Мадусудан.
