Четворица во критична состојба, шеснаесет од повредените пуштени на домашно лекување

Една недела по трагедијата во Кочани, во која загинаа 59 лица, надлежните работат на расчистување на настанот и спасување на повредените. Добрата вест е што дел од нив веќе се пуштени на домашно лекување. Денеска на домашно лекување ќе бидат пуштени уште 16 од повредените, додека 30 пациенти ќе останат на лекување во скопските клиники. Министерот за здравство, Арбен Таравари, најави и враќање на осум пациенти кои се лекуваат во странство, кои ќе бидат сместени во домашните клиники.