Брендот „Специјал“ која опстојува повеќе од 35 години на македонскиот пазар, со унгарските пари ќе го модернизира производството. Се уште правеле анализи дали да вложат во фотоволтаици или нови машини, но велат дека дефинитивно ќе аплицираат за кредитот зашто е многу поволен.
Нашата намера и интенција е да сме енергетски независни со соодветни капацитети да дојдеме до производство на електрична енергија кој што ќе ги задоволи целосно нашите потреби. Понатака би можеле да имаме проекти кои се однесуваат на осовремување на техничко – технолошко средства којшто се во нашето портфолио, вели Ѓеоргиевски сопственик на „ Специјал“
„Специјал“ е само една од стотици македонски фирми кои ќе имаат можност да добијат дел од колачот евтин кредит.
Можноста која им се отвора со овие пари за технолошки развој и проширување на капацитетите е од огромно значење особено за малите и средните бизниси кои се набројни во домашната економија.
Владата договори фиксна каматна стапка од 1.95 отсто, со поголем дел од комерцијалните банки која ќе ја плаќаат фирмите како кредитен ризик. Ќе има грејс период од три години, а рок на отплата до 15 години.
Пари на располагање Учество 20% износ
10 милиони, 2. 000.000 8 000 000
8 милиони 1.600.000 6 400 000
6 милиони 1.200 000 4 800 000
Максималниот износ на проектот ќе биде до 10 милиони евра, од кои би требало 20 проценти минимум да е сопствена инвестиција, што значи дека до осум милиони евра ќе бидат финансирани од овој проект.
За бизнисот овие услови се прифатливи, тие го поздравуваат потегот и ги подготвуваат проектите додека се чекаат финалните услови.
Ова е еден одличен исчекор нанапред, во смисла дека во бизнисот ќе дојдат кредити со соодветно ниска камата, понатака рочност која ќе е максимум три години грејс период и до 15 години рок на отплата, додава Горѓиевски
Според најавите од Премиерот до крајот на неделава ќе се финализираат условите под кои фирмите ќе ги добиваат парите. Моментално тие се на сметка на развојната банка, секоја фирма ќе може да аплицира во банка по избор која се согласила на проектот и по одобрувањето парите ќе бидат префрлени во банката па до фирмата. Банките ќе вратат 250 милиони евра како главница, а каматата од 1.95 останува за нив.
