Като-системот на Онкологија најрано би профункционирал до јуни 2024. А за три месеци на Клиниката ќе има четири акцелератори за болните од канцер – открива министерот за здравство. Меџити повторно призна дека има проблеми во здравствениот систем, и јавно побара од Министерството за финансии да одобри пари за нови вработувања. Тој не кажа дали Клиниката за онкологија ќе добие поголем буџет за следната година. Со оглед дека бројот на онколошки пацинети е се поголем, а со тоа расте и потребниот буџет за набавка на биолошка теапија.
Иако, пред десетина дена директорката на онкологија Виолета Клисаровска пред Анкетната комисија низ солзи сведочеше за очајната состојба на клиниката, на која недостасуваат лекови, сега уверува дека лекови има за сите пациенти, но упати молба до надлежните за поголем буџет.
И додека надлежните се фалат дека конечно работата на Онкологија ќе тргне на подобро, одговорност за скандалот на клиниката се уште нема. Јавното обвинителство ништо не открива, а едиствена надеж за јавноста, дека вионвиците ќе добијат име и презиме се заклучоците од Анкетната комисија за Онкологија.
