Комуникациските и интернет услуги во Газа денеска повторно се целосно прекинати, објави тамошната најголема телекомуникациска компанија „Палтел“.
Ова е втор „целосен комуникациски мрак“ за една недела.
Интернетот и телефонската мрежа беа во целосен прекин минатата недела, но беа обновени во текот на викендот.
Владата на палестинската милитантна група Хамас тогаш го обвини Израел дека тоа го предизвикал со цел да „изврши масакри“ во Појасот Газа.
