500 долари на час, 4.000 долари на ден, плус патни трошоци и дневници. Оваа сума би ја заработил ако биде ангажиран како арбитер или советник во Светската Банка, во телото каде е влезен на предлог на својот шеф Димитар Ковачевски. Според она што е пропишано со меморандумот за такси и трошоци, ако Битиќи биде ангажиран за било каков процес, само за времето поминато во авион би добил 250 долари, а ако случајно и во авионот има обврски тоа би го наплатил двојно повеќе.
1.Членовите добиваат хонорар од 500 долари за секој час извршен работа во врска со постапката, вклучително и секој час поминат во учество на сослушувања, сесии и состаноци.
2.Кога се патува за сослушувања, сесии или состаноци подалеку од градот на живеење, членот добива по 250 долари за секој час поминат во патување, било по воздушен или копнен пат, до и од локацијата на сослушувањето, сесијата или состанокот. Секое барање за овие такси ќе се пресметува врз основа на времето поминато во транзит, како што е евидентиратно со соодветниот билет.
3.Секоја работа изврешна за време на патувањето може да се наплати со 500 долари за час, наместо саатницата за патување од 250 долари, стои во документот.
Во ова тело има претставници од сите држави со кои соработува Светска Банка и кои се ангажираат по потреба доколку настане некаков спор.
Според прописите не треба да има политичари, што е Битиќи, кој покрај вицепремиер е и партиски заменик на Ковачевски во СДСМ. Според она што е пропишано членови на ова тело треба да бидат истакнати правници, адвокати или бизнисмени.
–ICSID е независна, деполитизирана и ефективна институција за решавање спорови. Нејзината достапност до инвеститорите и државите помага да се промовираат меѓународните инвестиции преку обезбедување на увереност во процесот на решавање спорови, стои во декларацијата.
Инаку Битиќи последниов период како да стана дестна рака на Ковачевски и е името кое во јавноста се споменува како можен консензуален кандидат за претседател на државата од страна на ДУИ и СДСМ. Вицепремиерот се споменува и како можна опција за премиер во последните 100 дена од овој владин мандат, на предлог на партијата на Али Ахмети.
Матеја Петровски
