Ставањето на точката за интерпелацијата за јавниот обвинител Љубомир Јовески на еден месец пред истекот на неговиот мандат е уште една фарса на власта – дециден е пратеникот Антонио Милошоски од ВМРО-ДПМНЕ. Опозицијата уште во спетември побара да се расправа за работата на републичкиот обвинител . Ова одолговлекување, според Милошоски е „благодарам“ од власта за Јовевски, кој како што вели со години го криеше нивниот криминал.
Јас и чисто се сомневам дека ќе дојде на ред за гласање. Македонија изгуби многу време со ваков јавен обвинител. Цело време молчи, наместо да истражува, го одмолчи и периодот за измени на КЗ, со европско знаменце, што сметам дека е најголем упад во правниот систем до сега. Уште една фарса на власта, бидејќи одолговлекувањето на интерпелацијата се должи на тоа што власта си има договор со Јовевски. Тој го криеше криминалот последниве години, а тој за возврат да добие статус на уставен судија – вели Милошоски.
Инаку кандидатурата на Јовевски за уставен судија е заглавена во Собранието. За да му се придружи на тимот на Кацарска, тој прво треба да добие амин од комисијата за Избори и именувања, па потоа да се гласа на пленарна седница.
Пратениците неодман изгласаа двајца од канидатите без претходно да биде завршена целосната комисиска расправа. Опозицијата предупреди дека се изигрува Деловникот.
Во владејачката коалиција има фрагментирани групи, еден дел од нив сакаат да му се оддолжат на Јовевски, со награда за уставен судија, но има и една друга група, од поновото раководство на СДСМ, која не чувствува поголеми обврски кон него. Но ставот на ВМРО-ДПМНЕ е дека Јовевски нема квалификации, ниту пак се докажал како Јавен обвинител, за да биде уставен судија – додава Милошоски.
Инаку, интерпелацијата за работата на републичкиот јавен обвинител која беше поднесена на 14 септември, се однесува на судскиот предмет за пожарот во тетовската модуларна болница во кој на 8 септември 2021 година загинаа 14 лица.
Адријана Алексиеска
