Димитар Ковачевски не сака да го коментира застарувањето на Таргет – Тврдина, односно масовното прислушување од кое произлегоа и сите други предмети на СЈО. Вели никогаш не зборувал за судски одлуки.
Сепак, делото не застаре поради судска туку поради политичка одлука и тоа токму на партијата предводена од Димитар Ковачевски односно со измените на кривичниот законик кои преку ноќ, под превезот на наводни европски реформи, минаа во Собранието.
Исто како и премиерот така и евроамбасадорот во Македонија Дејвид Гир е на ставот дека не коментира судски одлуки. Тој појаснува дека Европската Унија внимателно ги разгледува измените на Кривичниот законик со кои застаруваат дела на поранешни функционери обвинети во предмети на поранешното специјално обвинителство.
Првостепената пресуда од 12 години за поранешниот шеф на УБК, Сашо Мијалков за кривичните дела „злосторничко здружување“, „злоупотреба на службената положба и „примање награда за противзаконито влијание“, падна на Алеција минатата година и беше вратена на повторно одлучување. Кривичниот суд цели десет месеци не донесе одлука, со што предметот се заврши со измените на Кривичнито законик од 7 септмври годинава.
Овој предмет имаше најголем медиумски фокус за време на Шарената револуција и работењето на поранешното СЈО. Предметот е оформен уште во 2015-тата година и цели осум години не дочека второстепена судска пресуда.
Паула Костадиноска
