Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Свет

Во пожарите на Хаваи досега 53 жртви, над илјада исчезнати, обновата ќе трае со години

Во шумските пожари на хавајскиот остров Мауи загинаа најмалку 53 лица, а…

Сподели:
Фото: Алфа Вести

Во шумските пожари на хавајскиот остров Мауи загинаа најмалку 53 лица, а бројот на жртвите се очекува да се зголеми оти над 1.000 се водат за исчезнати, уништен е туристичкиот историски град Лахаина, за што ќе бидат потребни многу години и милијарди долари за обнова, изјавија властите на Хаваи. Гувернерот Џош Грин рече дека пеколот што го претвори голем дел од Лахаина во урнатини е најлошата природна катастрофа во историјата на државата, која остави илјадници луѓе без покрив над главата и срамни дури 1.700 згради.

„Ќе бидат потребни многу години за да се обнови Лахаина“, рече Грин на прес-конференција, а властите почнаа да подготвуваат план за засолнување на новите бездомници во хотели и туристички имоти. „Тоа ќе биде нова Лахаина што Мауи ќе ја изгради според сопствен имиџ со свои вредности“, рече Грин за градот кој привлекува 2 милиони туристи секоја година, или околу 80% од посетителите на островот.

Пожарот кој се движеше со огромна брзина поради ветровите на ураганот Дора започна во вторникот, се прошири во градот и го опустоши историскиот Лахаина, кој некогаш беше главен град на Хавајското Кралство. Некои луѓе избегале од пламените јазици скокајќи во Тихиот Океан. Ниту еден од трите главни големи пожари сè уште не е изгаснат, иако пожарот во Лахаина е 80% локализиран. Повеќе од 14.000 туристи се евакуирани, а 11.000 луѓе уште се без струја на островот.

Реклама

Илјадници туристи и локални жители беа евакуирани од западната страна на Мауи, која има околу 166.000 жители во текот на целата година, а некои се засолниле на островот или на соседниот остров Оаху. Туристите кампуваа на аеродромот Кахулуи, чекајќи летови за дома.

Грин рече дека обемот на катастрофата ќе го надмине оној од 1960 година, една година откако Хаваите станаа американска држава, кога цунами уби 61 лице на Големиот Остров на Хаваи. Американскиот претседател Џо Бајден издаде „декларација за голема катастрофа“ со која се ослободуваат средства за помош.