Повеќе од 10.000 луѓе се евакуирани во Јужна Кореја поради поплави, училиштата се затворени, а има и откажани летови. Околу 350 летови и 410 сообраќања на возови се откажани во Јужна Кореја. Нема пријавено жртви засега. Околу 1.600 училишта се затворени или префрлени на учење од дома.
Тропската бура Канун ја пустоши земјата. Таа се движи кон главниот град на Јужна Кореја, Сеул, објави Ројтерс. Бурата може да го погоди и главниот град на Северна Кореја, Пјонгјанг, а тамошните државни медиуми објавија дека армијата и владејачката партија добиле наредба да подготват мерки за ублажување на поплавите. Невремето донесе и до 60 милиметри дожд на час во некои градови на источниот брег, а максималната брзина на ветерот беше 126 километри на час во југоисточното пристаниште Бусан, соопшти Метеоролошкиот институт. Државата сè уште се опоравува од интензивните монсунски дождови што ја погодија минатиот месец, при што загинаа повеќе од 40 луѓе, вклучително и 14 во поплавен тунел.
Поплави во Европа имаше во Словенија, Хрватска, Норвешка. Во Словенија поплавите причина големи материјали штети, а ЕУ ќе помогне за санирање на последиците.
