Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Свет

Не се случи „црвениот бран“ на Трамп, што го најавуваше пред конгресните избори во САД

Демократот Џон Фетерман забележа победа во тесната трка со познатиот лекар Мехмет…

Сподели:
Фото: Алфа Вести

Демократот Џон Фетерман забележа победа во тесната трка со познатиот лекар Мехмет Оз, кој беше поддржан од поранешниот претседател Доналд Трамп.

Фетерман, кој инаку закрепнува од мозочен удар, им се заблагодари на своите поддржувачи за нивните напори.

„Вечерва, поради тоа ќе бидам следниот американски сенатор од Пенсилванија“, рече тој.

Реклама

Писателот и капиталист Џеј Ди Венс поддржан од Трамп, освои место во сенатот во Охајо пред демократот Тим Рајан.

Но, во Пенсилванија, демократот Џош Шапиро го зазеде гувернерското место пред кандидатот поддржан од Трамп, Даг Мастриано.

Демократската сенаторка од Њу Хемпшир, Меги Хасан, го победи Дон Болдук, поддржан од Трамп, кој го призна поразот во вторникот.

„Почестен сум што имав можност да ја претставувам Републиканската партија во трката за Сенатот на САД овде во Њу Хемпшир“, рече Болдук.

Гретчен Витмер беше реизбрана за гувернерка на Мичиген, победувајќи го републиканецот Тудор Диксон поддржан од Трамп.

„Оваа победа не потсетува сите дека нашиот гувернер не припаѓа на ниту една личност или политичка партија. Тоа ни припаѓа на сите нас“, вели таа.

Меѓу оние што се враќаат во Конгресот, сојузничката на Трамп и конзервативка Марџори Тејлор Грин, претставничка од Џорџија, и уште еден сојузник на Трамп, сенаторот Рон Џонсон од Висконсин.

Меѓу оние што не се вратија, конгресменката Лиз Чејни од Вајоминг, која одигра централна улога на сослушувањата на 6 јануари, на кои се испитуваше улогата на Трамп во нападот врз Конгресот во 2021 година.

Чејни беше победена на републиканските прелиминарни избори од лојалистката на Трамп, Хариет Хејгеман, која победи на општите избори.

Сè уште нерешена, трката за гувернер на Аризона меѓу Кари Лејк поддржана од Трамп и демократката Кејти Хобс. И трката за Сенатот во Аризона меѓу Блејк Мастерс поддржан од Трамп и актуелниот демократ Марк Кели. Неопределена е и трката за Сенатот на Џорџија меѓу актуелниот претседател Рафаел Ворнок и неговиот противкандидат Хершел Вокер поддржан од Трамп.

Пребројувањето на гласовите ќе го одреди составот на Конгресот и идната насока на двете партии.

Јованчо Наумоски, Глас на Америка – Вашингтон