Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Свет

Русите го ракетираа Киев два дена по експлозиите на мостот на Крим, има мртви и повредени

Ова се сцените што утринава ги разбудија Украинците, во најмалку десетина градови,…

Сподели:
Фото: Алфа Вести

Ова се сцените што утринава ги разбудија Украинците, во најмалку десетина градови, вклучувајки го и главниот град Киев. Оштетена е енергетската инфраструктура, некои од градовите се без струја и вода, а има и десетици жртви и многу повредени.

75-те истрелани руски ракети, се само почетокот на одмаздата на претседателот Путин за последната украинска офанзива, посебно за уништувањето на клучниот Кримски мост.

Проектилите паѓаа на најфреквентните раскрсници, паркови и туристички места во центарот на Киев со интензитет невиден дури и кога руските сили се обидоа да го освојат градот на почетокот на војната. Експлозии беа пријавени и во Лавов, Тернопил и Житомир на западот на Украина, Днепро и Кременчук во централна Украина, Запорожје на југ и Харков на исток.

Реклама

Украинскиот претседател Володимир Зеленски изјави дека нападите биле намерно темпирани за да се убијат луѓе, како и да се прекине струјата.

Сега работат спасувачите. Нашиот систем за противвоздушна одбрана работи. Веќе 38 воздушни цели се соборени. Ве молиме, останете во засолништа денес. Благодарение на помошта на нашата војска, се ќе биде во ред. Секогаш следете ги безбедносните правила. И секогаш запомнете: Украина постоеше пред да се појави овој непријател, а Украина ќе постои и после неа. Слава на Украина!“ изјави Володимир Зеленски, претседател на Украина

Претседателот на Русија, Владимир Путин изјави дека целта на нападите било да се спречат, како што нарече, “терористичките чинови„ и дека Украина не треба да се жали затоа што веќе била предупредена за последиците од нападот на мостот на Крим.

„Форензичките и другите стручни податоци, како и разузнавачките информации, покажаа дека експлозијата на 8 октомври била терористички чин. Напад кој имал за цел уништување на критично важната цивилна инфраструктура на Русија. Очигледно е и дека тоа биле украинските тајни служби кои го наредиле, организирале и извршиле овој терористички чин“. изјави Владимир Путин, претседател на Русија

Путин се закани дека ако нападите врз Русија продолжат, одговорот ќе биде остар, со иста јачина како и заканите за териториите што Путин ги смета за руски. Инаку, една од ракетите удрила и во зградата каде се наоѓа германската амбасада во Украина. Европската унија го осуди денешниот напад нарекувајќи го „варварски„

Бојана Златкова