Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Свет

Масовни протести низ САД по одлуката за укинување на правото на абортус

Масовни протести низ САД откако Врховниот суд донесе одлука да се укине…

Сподели:
Фото: Алфа Вести

Масовни протести низ САД откако Врховниот суд донесе одлука да се укине федералното право на абортус дозволено уште во 1973-та со пресудата Роу против Вејд. Додека одредени луѓе се собраа пред Врховниот суд да изразат поддршка за донесеното решение, многу побројни незадоволни граѓани се собраа масовно на улиците низ многу американски градови. Во Вашингтон беше запалено државното знаме, во Аризона беше фрлен солзавец за да ги растера демонстрантите, илјадници активисти исто така се собраа во Њујорк, Филаделфија, Лос Анџелес, Детроит, Атланта  на протести за поддршка на правото на абортус.

„Плачам, бидејќи знам што следува. Она што треба да го направиме како жени е да се организираме, не да агонизираме. Ние сме мнозинството“

„Тие не се за животот, тие се за хипокризија, за раѓање, за контрола. Ако го сакаа животот, немаше да ја поддржат оваа одлука на Врховниот суд. Ќе поддржеа контрола на оружјето, на универзалната здравствена заштита, Ќе ги поддржеа овие работи кои влијаат на луѓето во оваа земја. Она за што навистина се грижат е да ги контролираат и репресираат жените“

Реклама

Американската асоцијација на психолози предупреди дека ако се укине правото на абортус тоа ќе влијае на жените во вид на зголемена анксиозност, ниска самодоверба и незадоволство од животот, споредено со оние кои можат да го остварат ова право. Одлуката особено ќе удри врз посиромашните граѓани, кои биле жртви на силување и сексуална злоупотреба.

„Тие што се финансиски моќни ќе можат да одат во другите држави за да извршат абортус, но оние со понизок социјален статус ќе бидат заглавени“ – вели Лиза Палмер, психотерапевт и сопственик на „The Renew Center of Florida“.

По одлуката на Врховниот суд, многу клиники за абортус се затвораат ширум земјата, закажаните термини масовно се откажуваат, а граѓаните се принудени да одат во други подемократски држави кои се поотворени по ова прашање. Се очекува многу жени да почнат да вршат и нелегални абортуси или пак да го остварат правото вон САД.

9 држави експресно брзо донесоа закони за забрана на абортусот: Алабама, Арканзас, Кентаки, Луизијана, Мисури, Јужна Дакота, Јута, Висконсин и Оклахома.

Сојузната држава Јута  дозволува прекин на бременоста само во случај на силување, инцест и сериозна опасност по животот на трудницата,  Арканзас не признава никакви исклучоци, додека Мисури дозволува абортус само при сериозен ризик по здравјето на жената. Уште 20-тина други држави се подготвуваат на некаков начин да го ограничат правото на абортус на жените. Се смета дека дури 36 милиони жени ќе бидат загрозени поради оваа одлука. Претседателот Бајден ја опиша одлуката како назадување за 150 години, додека од друга страна, Ватикан очекувано ја поздрави, наведувајќи дека одбраната на човечкиот живот не можела да се ограничи на индивидуалните права, бидејќи животот бил прашање од „пошироко општествено значење“.

Тања Попова