Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Свет

Се заострува дебатата во САД за или против абортусот

Врховниот суд го разгледа законот во Мисисипи со кој се забрануваат повеќето…

Сподели:
Фото: Алфа Вести

Врховниот суд го разгледа законот во Мисисипи со кој се забрануваат повеќето абортуси по 15 недели од бременоста. Главното прашање сега е: дали судиите ќе ја поништат значајната одлука наречена како “Ро против Вејд” од 1973-та година, со која беше утврдено уставното право на абортус?

Законот во Мисисипи ја намалува временската рамка, кога жените можат да изберат абортус. Центрите за контрола на болести покажуваат дека повеќето абортуси или 92 отсто од нив – се случуваат во првите 13 недели од бременоста.

„Мислам дека абортусот е варварски. Тоа е стара практика. Абортусот ги уништува жените и семејствата повеќе од 50 години“, вели демонстрантката Криста Корбело.

Реклама

„Секој спасен живот е монументален, мислам. Исто така, она што го гледаме во моментов е ставањето на забрана, да биде на вистинско место како и во секоја друга земја во светот“, рече демонстрантката Савана Акерман.

И во американскиот Конгрес се дебатираше.

„Имаме можност да ставиме крај на екстремниот судски наметнат режим на абортус кој е усогласен со нациите како Кина и Северна Кореја. САД се една од седумте нации кои дозволуваат доцни абортуси“, рече републиканскиот сенатор Стив Дејнс.

Од друга страна, има и такви кои мислат дека жените имаат право да ја прекинат бременоста без мешање на владата.

„Станува збор за политичари кои ги контролираат женските тела. Станува збор за политичарикои сакаат да ја одземат личната одлука на луѓето да пристапат до здравствената заштита што им е потребна“.

„Јас никогаш не сум абортиралa, но постои шанса еден ден да ми треба. Станува збор за правда за абортусот и либерализација на абортусот“, рече демократката Лоис Франкел.

Претседателот Џо Бајден го поддржува сегашниот закон.

„Јас го поддржувам “Ро против Вејд”. Мислам дека тоа е рационална позиција“, изјави Бајден.

Противниците на абортусот сметаат на конзервативното мнозинство од 6 спрема 3 на Врховниот суд за да им ја донесат долго бараната победа. За време на усните расправии, судијката Соња Сотомајор предупреди на штета на судот доколку има политички притисок.

Врховниот суд одлуката ќе ја соопшти следната година.

За Алфа, Јованчо Наумоски, Глас на Америка.