Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Свет

Бајден ја менува политиката кон Москва – се воведуваат санкции

Соединетите Држави воведоа санкции за повеќе руски ентитети и функционери. Ова сигнализира…

Сподели:

Соединетите Држави воведоа санкции за повеќе руски ентитети и функционери. Ова сигнализира промена на политиката на Вашингтон во однос на Москва откако Џо Бајден стана претседател на земјата.

Овој камп кој се наоѓа на 100 километри од Москва е местото каде е затворен Алексеј Навални, опозициски лидер и критичар на Кремљ, кој преживеа обид за труење.

Администрацијата на Џо Бајден декласифицираше разузнавачки податоци кои укажуваат дека Москва го оркестрирала обидот за убиство.

Реклама

Соединетите Држави воведоа санкции за 14 руски ентитети и за 7 високи руски функционери.

Проширување на санкциите кои произлегуваат од Актот за контрола и елиминирање на хемиски и биолошки оружја, нови извозни рестрикции за материјали кои можат да бидат употребени како биолошки и хемиски агенси и визни рестрикции, вели Џен Псаки, портпаролка на Белата куќа.

Белата куќа го повтори барањето за ослободување на опозицискиот лидер.

Американските санкции се координирани со Европската Унија и Обединетото Кралство, но не се директно насочени кон претседателот Владимир Путин ниту кон олигарсите кои се блиски до него.

Русија е огромна земја. Има многу начини да влијае на настани во многу делови од светот. Разбирам дека единственото нешто што можеше да го направи администрација на Бајден е само да испрати сигнали. Ова нема материјален ефект, вели Константин Сонин, Универзитет на Чикаго.

Белата куќа вели дека санкциите не се само симболични. Сепак, оттаму признаваат дека е важно да се одржат односи со Москва за многу теми вклучително и за иранскиот нуклеарен договор.

Има области за кои не се согласуваме, има области со значителни разлики. Исто така има области каде ќе работиме со Русите како и со повеќето глобални партнери кога треба да преземе чекори кои се од интерес на САД, вели Џен Псаки.

Минатиот месец претседателот Џо Бајден рече дека за разлика од неговиот претходник тој јасно му дал до знаење на Владимир Путин дека САД повеќе нема да ги толерираат руските агресивни чекори како мешање во изборите, кибернетски напади, но и труењето на опозицискиот лидер.

Сепак, аналитичарите велат дека политиката на Вашингтон кон Москва мора да остави простор за соработка онаму каде има заеднички интереси.

Ова вклучува контрола на вооружување, позитивна еколошка и економска агенда во Арктикот, до одредена мера климатските промени, како и неколку регионални арени каде двете земји имаат трупи, како Сирија. Има потреба за соработка со Русија во повеќе области. Мислам дека администрацијата на Бајден ќе се цели кон соработка но и ќе се обиде да ги обнови јасните линии за она што тие го сметаат за несоодветно меѓународно однесување, рече Цирус Њулин, Центар за стратешки и меѓународни студии.

Москва веќе најави дека ќе одговори на санкциите, но засега не се преземени конкретни чекори.

Навални беше хоспитализиран во август и префрлен на лекување во Германија. Таму беше утврдено дека бил изложен на нервен агенс. По неговото враќање во Русија беше уапсен и затворен на две и пол години поради прекршување на условна казна.

За Алфа, од Гласот на Америка, Никола Крстиќ во Вашингтон.