Хаос на изборите за ректор на УКИМ. Од потврдените седум кандидати на Универзитетската изборна комисија денеска студентите и професорите можеа да гласат само за 4-ца од нив. Тројцата кандидати Атанасов, Живковиќ и Димитриевски решија да не учествуваат на овие избори затоа што сметаат дека се недомокраски и неакадемски.
Не се работи за никаков бојкот туку нашето учество во изборите го оставаме во мирување како што и беа кажувањата на антикорупциската комисија. Не сакавме да учествуваме во нелигитимни избори независно од кажувањата на антикорупциска и предходните дејствија не одеа во прилог на позитивните законски прописи, законот за високо образование статутот и другите акти. Во голема мера се стави сенка на демократскиот избор, нетранспарентност итн вели проф. Живковиќ.
И покрај ваквото противење на речиси половина од канидатите, со што се фрла сомнеж за нелегалност и нелегитимност на процесот, комисијата си ги одржа изборите како што беа планирани. На изборниот лист за ректор се најдоа универзитски професорите Јанкуловски, Ацевски, Василевски и Димитров. Во 22 од 23 единици на УКИМ гласањето заврши во мирна атмосфера и без инциденти и своето право можеа да го остварат околу 1500 гласачи. Гласање немаше само на Факултетот за драмски уметности.
На прашањето дали со ставањето на кандидатурата во мирување му отвараат простор на Јанкуловски за реизбор или победа на останатите тројца кандидати професорот Живковиќ вели дека во противзаконски избори не се остава никаков простор.
Не се остава никаков простор бидејќи ние не зборуваме за простор каков што они зборуваат. Ние зборуваме за простор кои треба легитимно да се направи. Нивниот простор е нелегитимен и ние во такви игри не сакаме да учествуваме трвди професор Живковиќ.
Независниот акдемски синдикат ги повика колегите од академската заедница на УКИМ да не учествуваат во изборите за ректор.
Викторија Миткова
