СДСM никако да престане со умисла да создава хистерија со цел да предизвика штета на државата и граѓаните, се вели во соопштението на ВМРО-ДПМНЕ.
Нивното однесување е неприфатливо.
Додека државата и надлежните институции прават се и ги преземаат сите мерки за да се заштитат интересите и парите на граѓаните, СДСM прави се тоа да го саботира.
По случаите со креирањето хистерија со цел предизвикување страв, паника и несигурност кај граѓаните за водата за пиење во Скопје, во Гостивар, наводниот колапс на ПИОМ и ред други, па сега и со случајот со Алта банка, редно е СДСM да се освестат што прават.
Од друга страна го повикуваме Јавното обвинителство да реагира по член 315 од Кривичниот законик, за делото саботажа, каде што стои:
„Тој што во вршењето на својата работна обврска со намера да го загрози уставниот поредок или безбедноста на Република Македонија на прикриен, подмолен или друг начин, ќе предизвика значителна штета за државен орган, установа или правно лице во кое работи или за друг државен орган, установа или правно лице, ќе се казни со затвор најмалку три години“.
Во делувањето на СДСM со држење прес-конференции пред витални државни институции како што е Народна банка и нејзиното секојдневно обвинување гледаме основи за ваквото дело, затоа што свесно и со умисла сакаат да предизвикаат штета на државен орган, правно лице, како и на штедачите, односно македонските граѓани.
СДСM мислат дека на тој начин ќе остварат политички бенефит и така ќе се факторизираат на политичката сцена во Македонија од која македонските гласачи целосно ги маргинализираа.
СДСM не се грижат ни за штедачите ни за доверителите на банката, тие прават се за да наштетат на процесот за заштита на интересите на граѓаните, државата, доверителите и штедачите
