Почна изградбата на нов резервоар за вода за пиење во населбата Каваклија во Штип. Градоначалникот на општина Штип, Иван Јорданов денеска изврши увид во градежните работи и истакна дека со изградбата на овој резервоар ќе се подобри водоснабдувањето во населбата Каваклија, но и околните населби кои се во високата зона на градот Штип. Посочи дека станува збор за инвестиција на Општината во износ од 12 милиони денари.
– Во втората половина на 2027 година во функција ќе биде ставен новиот резервоар со нови водоводни линии. Со новиот резервоар во Каваклија и резервоарите во населбите Пребег и Мери, капацитетот на градот за водоснабдување ќе се зголеми двојно. Со ова се решава повеќедеценискиот проблем на Штип со водоснабдувањето на високите зони и се овозможува иднo планирање за развој на градот – изјави Јорданов.
Тој посочи дека проектот овозможува урбанизација на делови од градот кои досега не биле урбанизирани. Градоначалникот на општина Штип, Јорданов на денешната прес-конференција најави дека наредните денови ќе ги посети сите населби и ќе има средба со граѓаните на Штип, а има цел да ги утврди кои се нивните приоритетни проекти за наредната 2027 година.
