Заменик министерката за европски прашања, Викторија Трајков, оствари средба со амбасадорката на Република Чешка, Ирена Гецова. Во фокусот на разговорот беа реализираните реформи и активностите на институциите за спроведување на Реформската агенда – информираат од МЕП.
Заменик-министерката ги презентирала досегашните резултати и приоритетите за следниот период, со акцент на институционалната координација и исполнувањето на реформските обврски поврзани со европските стандарди.
– Предвидена е и размена на мислења за можностите за продлабочување на соработката со Чешка и споделување искуства во областите релевантни за реформскиот процес – велат од Министерството за европски прашања.
Средбата, како што потенцираат, е можност за продолжување на дијалогот со чешките партнери и за унапредување на соработката во поддршка на европската перспектива на нашата земја.
