Почнаа активности за изградба на паркинг простор и хортикултурно уредување на запуштениот простор меѓу улиците „Сремски фронт“ и „Борис Крајгер“ во населбата Сењак во Штип. Градоначалникот на општина Штип, Иван Јорданов рече дека од буџетот на Општината се инвестираат 5,5 милиони денари.
– Ова е јавна површина, која во минатото не била соодветно истретирена и уредена. Поголем дел од јавната површина во минатото била узурпирана со времени објекти, лимени гаражи и несоодветна содржина. Во изминатите неколку недели и месеци, морам да изразам благодарност за совеста до сите станари од околните станбени згради, кои самоиницијативно ги одстранија времените објекти-вели Јорданов.
Тој ги повика сите граѓани и пензионери, кои сакаат да земат соодветен надоместок, можат да се пријават во општина Штип за секојдневно одржување на зелените и партерните површини, околу нивните станбени згради.
-Најголемиот проблем со кои како локална самоуправа го имавме и кои треба да се промени е одржувањето на содржините кои што ги создаваме. Ги повикувам да се пријават наши сограѓани или пензионери, кои за соодветен надоместок од страна на општина Штип ќе бидат одговорни за одржување на ваквите зелени површини, јавна површина околу нивните станбени згради. Колку и да се трудиме во рамки на логистиката и капацитети кои ги има ЈП „Исар“ на неделна основа да се изѓубрува и чисти депонираниот отпад, сепак на дневна основа треба да биде задолжен човек од месното население, кој секојдневно ќе се грижи за ваквите урбани средини, кои што ги создаваме- рече Јорданов.
Идејата е во секоја штипска населба се постават одговорни лица кои ќе ги штитат урбаната опрема, хигиената и редот, бидејќи урбаната опрема многу често се уништува, особено во ноќните часови.
