На маса со Каја Калас во Њујорк, ќе се бара начин преку европските престолнини да се стави крај на фрустрациите на Македонците, поради огромните отстапки кои ги направи Македонија за интеграција во ЕУ, но европската приказна за нас се уште останува желба. Владината делегација денеска во Њујорк, ќе учествува на состанокот на лидерите на Европската Унија и Западен Балкан, кој ќе го води високата преставничка за заедничка безбедносна и надворешна политика.
Во пресрет на овој состанокот премиерот Христијан Мицкоски повика на вклучување на претставници од Унијата, со цел подобрување на дијалогот за разликите со источниот сосед. Тој потенцираше дека без разлика на дополнителните прашања и притисоци поврзани со нашиот идентитет, фокусот на Владата продолжува да биде насочен кон нови реформи и промени во институциите.
-Ние го започнавме нашето патување пред речиси две и пол децении. И, за жал, поради некои вештачки причини, не успеавме да станеме дел од ЕУ. Веројатно еден ден ќе го постигнеме овој камен-темелник. Во меѓувреме, фрустрацијата кај македонските граѓани е огромна, бидејќи во минатото направивме премногу отстапки: го сменивме знамето, Уставот го сменивме неколку пати, дури и го сменивме уставното име и сето тоа изгледа како приказна без крај“, изјави Мицкоски.
Македонската делегација предводена од премиерот Христијан Мицкоски веќе е во неколкудневна понуда на САД, каде присуствува на Генералното Собрание на Обединетите нации во Њујорк. Шефот на македонската Влада таму ја искористи шансата пред светските лидери, но и пред целата светска јавност, да ги повтори македонските проблеми, но и ставовите на Владата во однос на европската интеграција.
Матеја Петровски
