Сонцето и водата имаат сè поголема улога во производството на електрична енергија во Македонија. Надминати се целите за обновливи извори предвидена со Националниот план за енергија и клима (НПЕК), а напредокот во спроведувањето на преземените обврски позитивно е оценет од Енергетската заедница. Министерството за енергетика, рударство и минерални суровини навреме го доставило Извештајот за оценка за националните планови за енергија до Енергетската заедница
-Напредокот на земјава и исполнувањето на преземените обврски се позитивно оценети во последниот „Извештај за оценка на усвоените национални планови за енергија и клима 2025–2030 и напредокот во 2025 година кон енергетските и климатските цели во Енергетската заедница“, Навременото известување, како што велат, претставува потврда дека Министерството доследно ги спроведува обврските преземени со Националниот план за енергија и клима (НПЕК) и континуирано работи на унапредување на националната енергетска и климатска политика-велат од Министерството за енергетика и минерални суровини–велат од Министерствотоза енергетика.
Најголем придонес во зголемувањето на производството од обновливи извори имаат соларните и хидрофотонапонските и хидроенергетските капацитети. Со нивниот развој, расте и учеството на чистата енергија во домашното производство на електрична енергија.
-Резултатите покажуваат дека динамиката на развој на обновливите извори веќе ги надминува поставените очекувања во однос на инсталираниот капацитет на електроцентралите од обновливи извори на енергија, над националната цел и индикативната траекторија утврдени со НПЕК, посочуваат од Министерството за енергетика..
Министерството за енергетика, најавува и мерки за модернизација на енергетскиот систем, меѓу кои пазарно поврзување, поголемо учество на потрошувачите, сопствено производство и потрошувачка на електрична енергија, како и развој на енергетски заедници. До 2030 година, како што нагласуваат, Националниот план за енергија и клима НПЕК предвидува 38 процентен удел на енергијата од обновливи извори во бруто финалната потрошувачка на енергија, со растечки тренд во сите клучни сектори – електрична енергија, греење и ладење и транспорт. Дека Македонија напредува енергетски доказ се трите крупни проекти за енергетска независност и стабилност на Македонија. Изградбата на ветерниот парк на Алказар енерџи, гасниот интерконектор со Грција и турската Казанџи груп која со полна пареа ја планира инвестицијата за изградба на когенеративни централи.
