Прилеп, а и Македонија, по првпат е домаќин на спелеолози од 15-тина земји кои ќе ги истражуваат подземните убавини, пештери и пропасти кои природата ги создавала низ милениумите. Околу 150 спелеолози од 15 земји до недела ќе истражуваат шест пештери и пропасти во Мариовскиот и во Прилепскиот регион, односно кај Македонски Брод.
Прилеп е домаќин на 18-тиот Балкански спелеолошки камп стациониран во прилепкото село Штавица каде што снимаше режисерот Милчо Манчевски. Свеченото отворање на сплеолошкиот камп беше синоќа, а од денеска до недела спелеолозите се на теренот во истражување.
– Целта на кампот е истражување, придонесување во спелеолошката наука и развој на авантуристичкиот туриза. Кај нас пештерите се 40 проценти истражени и се надеваме дека со врвните спелеолози учесници на овој камп ќе се дојде до нови сознанија зашто има уште неотркиени канали во пештерите и пропастите, велиДарко Неданоски, претседател на Спелеолошката федерација на Македонија.
Посебна е честа и радоста на спелеолозите што за првпат Прилеп, а иМакедонија, се домаќини на спелеолошкиот камп.
– Ова е 18-ти по ред Балкански спелеолошки камп.Посебно е задоволството што сме тука. Ова ни е важно и значајно. Тука сме не само да истражуваме, туку и да споделуваме знаења и искуства. Ќе придонесеме и за развој на туризмот во овој регион, изјави Ема Марчу, претседателка на Балканската спелеолошка унија.
Врвните спелеолози имаат очекувања за откривање на чудата на природата зашто пределот е многу податлив.
– Ова е прв ден, ги очекуваме доиживувањата. Ова ми е првпат да бидам во Македонија. Четири години сум спелеолог. Во последните шест месеци ги посетивме сите Балкански земји. Тоа е скриеното богатство на природат, рече Мигел Кабалеро, спелеолог од Шпанија.
Прилепскиот градоначалник Дејан Проданоски им посака добредојде на спелеолозите и порача дека ова е уште една можност за унапредувањена туризмот во Прилепскиот регино.
– Прилепскиот регион, Мариово, а и околината имаат што да понудат кога се во прашање природата и нејзините креации. Уште многу тајни се кријат кои се надевам на ваков начин се откриваат и ги зголемуваат туристичките потенцијали на Регионот, рече Проданоски.
На 18-тиот Балкански спелеолошки камп до недела ќе има работилници за истражување, скицирање на се уште неоткриени пештерски канали и неповторливи светови на природата.
