Остатоците на СДСМ и ДУИ во правосудството повторно одработија во нивна корист, односно ги заштитија криминалците. Врховниот суд преводен од Африм Фидани, Џемаили Саити и Сафет Кадрии, ја укинаа пресудата за случајот Ласкарци во кој загинаа 16 граѓани и ги ослободи виновниците, изјави на прес-конференција Валентин Манасиевски, портпарол на ВМРО-ДПМНЕ, се вели во партиското соопштение.
Повторувам, Африм Фидани, Џемаили Саити и Сафет Кадрии ја укинале судската пресуда во која се ослободуваат виновниците за сообраќајната несреќа во Ласкарци.
Во исто време, Врховниот суд исто така на слобода го пушти и Стевчо Јакимовски, кој беше правосилно осуден за криминал.
Само во Македонското судство и обвинителство, може за случај во кој гинат 16 луѓе да нема ниту еден одговорен. Истото е случај и со модуларната болница каде загинаа 14 лица а нема ниту еден виновник според правосудните органи.
Дополнително, дали е точна информацијата дека овие судии се блиски до структурите на ДУИ?
Почитувани,
Одлуките на Врховниот суд предводено од Африм Фидани, Џемаили Саити и Сафет Кадрии, доби уште една потврда зошто довербата на граѓаните во правосудството е на дното.
Политичките инсталации на СДСM и ДУИ градени со години не исчезнуваат преку ноќ. Тие и понатаму се обидуваат да ги користат последните бастиони во институциите за да го заштитат системот што самите го создадоа.
На Македонија не и треба судство и обвинителство кое ќе биде бастион на СДСM и ДУИ. И треба судство и обвинителство кое ќе биде бастион на правдата.
Нема да молчиме и нема да се откажеме. Правда и одговорност мора да има.
