Имаме стабилна цена на струјата. И покрај тоа што цената расте на берзите, сепак во Македонија не е поскапена откако е започнат мандатот на оваа Влада. Премиерот Христијан Мицкоски најави дека се работи на механизми со кои цената би останала најмалку иста и од јануари па натаму, но и со можност да биде уште пониска. Целокупната енергетска состојба во државата е на добро ниво, смета премиерот и нагласува дека добро сме покриени во резервите, како на струја, така и на гас.
. Кај нас цената на електричната енергија што ја плаќаат граѓаните, откако е оваа Влада, не е покачена и така и ќе остане. Работиме на таа проблематика да од Јануари, кога ќе почне новиот регулиран период, цената најмалку да остане иста, а да видиме дали ќе успееме да имаме и поевтинување или продолжување на евтината тарифа“.Повеќе од три четвртини се веќе завршени. На време го потпишавме и договорот со Косово за јаглен, со кој драматично ќе се намали цената на произведениот мегават-час електрична енергија во нашите производни капацитети“,– истакна премиерот Христијан Мицкоски.
Според Мицксоки, енергетскиот систем е во подобра позиција пред почетокот на грејната сезона бидејќи акумулациите се на околу 50 проценти, а ремонтите во термоенергетските капацитети се при крај. Посочи дека високите берзански цени во Европа се последица и на ниските водостои на реките, поради што биле ограничувани производствените капацитети на дел од нуклеарните, термо и хидроцентралите. Но не само на струјата Македонија има убедливо најефтини цени и на горивото во Европа. Се прават калкулации за нафтата а мерки веќе имаме.
-Имаме поефтини акцизи согласно закон. Прогласена е кризна состојба. Така што граѓаните треба да знаат дека веќе имаме аплицирано мерки и како резултат на тие мерки имаме до половина евро за литар пониска цена на дизел горивата и на безоловниот 95 и 98 октанскиспоредено со соседите во регионот. Тоа предизвика да имаме до 50 отсто зголемен конзум во одредени некои бензински пумпи посебно во пограничните делови– истакна премиерот Христијан Мицкоски.
Дополнително додава секојдневно се разговара и со увозниците и има доволно количини на гориво а државните резерви се солидни. Нема причини за стравување од недостиг на гориво.
